Mishari Alafasy - Al-Mustaheel
Year: 2012
Info :
Poem by: Sheikh Hamdan Bin Rashed Aal-Maktoum
Melody: Fayz Al-Sa'ed
Arrangement: Mohamed Saleh
Melody: Fayz Al-Sa'ed
Arrangement: Mohamed Saleh
Lyrics :
: كورس
المستحيل يْحبِّني يوم رمْته
كأن مصيري مرتبط مَعْ مصيره
والياس حارَبْني، لكنِّي هَزَمْته
وايامنا رَاحَاتها مستديره
عِـزِّي من ابوي الْكريم اسْتلمته
عَلى المَسَار اكْمَلت نَفْس المسيره
الأوَّلى .. حَق العَرَب ماهضمْته
والثانيه .. أنباي في كل دِيره
وابوي .. أبوي الصِّيرمي لا عدمته
خَذيت مِنْه الأوَّلَى والأخيره
كم بَحر تَرهِب غبِّته .. بس عمته
خطير، وأحِب الدروب الخطيره
وْكَم وَاحدٍ لو ما حشَمْني حشَمْته
ماهو على شانه .. على شان غـيره
وْكَم وَاحدٍ لو يجْهَل اسمي، ما لمْته
عْيون لومي عَن شرَاته ضريره
كورس
وْكَم وَاحدٍ عليه غيظي كتمْته
أسَامحه ، واقول هو وْ ضميره
وْكَم بيت شَاعِر كنِّي اللي نظَمْته
يَجْذبْني اسْلوبه وحسْن تْعَبيره
وْكَم صَاحبٍ يَثْبت معي لا زهَمْته
يبين في شَر الزمن قبل خيره
وْكَم وَاحدٍ أحسّسه بأنّي فهَمْته
أقرأ في عينه ما حوته السريره
وْكَم سيف في شوط التحَدِّي لطمْته
ونْـفوس مِن تكْرَه نجاحي كسيره
وْكَم ليل أتْعَب رمْش عيني ما نمْته
لين احْتضن جفني شعاع الظهيره
وْكَم مِن حزامٍ يرتخي لا احْتزمْته
ما ينْلِبس عِنْد الأمور الكبيره
وْكَم مِن جدَارٍ في طريقي هدَمْته
وبنيت باحجاره للأجيال سِـيْره
وْكَم عَاقلٍ تسْتَغرب النَّاس صَمْته
كبير، وعقول الخلايق صغيره
وْكَم حِلم يتْحَقَّق لا منّي حلمْته
يثيرني يوم احلمه واستثيره
وْكَم يوم من عمري يا وَقتي خصمْته
ياما اطولك ، وايَّام نَاسك قصيره
إنسان احس انِّه كَفو لا احترمْته
نفْسَه غَنيَّه لو يديْنه فقيره
كورس
وانسان بخْزام الوفا لو خزَمْته
نار الغدر في وسط يوفه سعيره
وْ الصاحب إلى ما حشَمْني، حشَمْته
ماهو على شانه، على شان غيره
الأوَّلَى .. حَق العَرَب ماهضمْته
والثَّانيه .. أنْباي في كل دِيره
والثالثه .. الصِّيرمي لا عدمْته
خَذيت مِنْه الأوَّلى والأخيره
Preview :
